- बिहिबार, भदौ ४, २०८३ / Thursday, Aug, 20 ,2026
पछिल्लो २४ घण्टामा देशभर २ हजार ९ सय ७७ कोरोना संक्रमित थपिएका छन्।
कुल १७ हजार ३ सय ८ जनाको स्वाब परीक्षण गर्दा उक्त परिमाणमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
१३ हजार ६ सय ९८ जनाको पिसिआर परीक्षण गर्दा १ हजार ९ सय ८२ जना र ३ हजार ६ सय १० जनाको एन्टिजेन परीक्षण गर्दा ९ सय ९५ जनामा संक्रमण पुष्टि भएको मन्त्रालयले जनाएको छ ।
मन्त्रालयका अनुसार आज संक्रमणमुक्त हुनेको संख्या १ हजार ६ सय ७८ रहेको छ। योसँगै कोरोना निको हुनेको संख्या ६ लाख ३९ हजार ३ सय ६८ पुगेको मन्त्रालयले जनाएको छ।
पछिल्लो २४ घन्टामा कोरोना संक्रमणबाट थप १८ जनाको मृत्यु भएको छ । योसँगै देशभर कोरोनाबाट मृत्यु हुनेको संख्या ९ हजार ६ सय ७९ पुगेको छ।
