- बिहिबार, भदौ ४, २०८३ / Thursday, Aug, 20 ,2026
जल तथा मौसम पूर्वानुमान महाशाखाले आउने बिहीबारसम्म तीन प्रदेशमा भारी वर्षा हुने अनुमान गरेको छ।
महाशाखाले आज विज्ञप्ति जारी गर्दै देश नं १, वाग्मती, गण्डकी र लुम्बिनी प्रदेशका केही स्थानमा भारी वर्षाको सम्भावना रहेको बताएको हो ।
अझै तीन दिन देशभर मनसुन सक्रिय रहने हुनाले मनसुनी न्यून चापीय रेखा नेपालकोे तराई भूभाग नजिकै रहेको छ । जसका कारण अझै तीन दिन मनसुन सक्रिय हुने देखिएको महाशाखाले विज्ञप्तिमा जनाएको छ ।
यस अवधिमा दिउँसोभन्दा रातको समय वर्षा लामो समय हुने बताइएको छ । विभागले प्रदेश नं १, वाग्मती, गण्डकी र लुम्बिनी प्रदेशका केही स्थानमा भारी वर्षाको सम्भावना रहेकाले पहाडी भूभागमा भूक्षय, पहिरो तथा गेग्र्यान बहावको जोखिम रहेको तथा नदीनाला र खहरे खोलामा पानीको सतह बढ्न सक्ने भएकोले आवश्यक सतर्कता अपनाउन महाशाखाले अनुरोध गरेको छ ।
