- बिहिबार, भदौ ४, २०८३ / Thursday, Aug, 20 ,2026
चीनबाट खरिद गरिएको कोरोना विरुद्धको ६० लाख डोज मध्ये ८ लाख डोज भेरोसेल खोप गएराति १२ बजे काठमाडौँ आइपुगेको छ ।
बुधबार विहान काठमाडौँबाट चीनको प्रान्तीय शहर तियनजीन पुगेको नेपाल एयरलायन्सको वाइडबडी जहाजले मध्यरात खोप काठमाडौँ ल्याइपु¥याएको हो ।
अब चीनबाट आउने भेरोसेल खोप मध्ये साढे तीन लाख एक नम्बर प्रदेश (विराटरगर) पौने चार लाख खोप दुई नम्बरमा, ५० हजार सात नम्बर प्रदेश (धनगढी) र रहेको खोप काठमाडौं उपत्यका सहित तीन नम्बर प्रदेशमा राखिन स्वास्थ्य सेवा विभाग आपूर्ति शाखाका फार्मेसी अधिकृत बडेबाबु थापाले बताए ।
थापाका अनुसार बुधबार राति १२ खोप आइपुगेको र अहिले सो खोपलाई अस्थायी व्यवस्थापन गरी अहिले टेकुस्थित खोप भण्डारमा राखिएको छ ।
चीनबाट आजै थप ८ लाख खोप आउने भएको छ ।
नेपाल एयरलायन्सकै जहाजले चीनको प्रान्तीय शहर तियनजीनबाट आज बेलुका ८ बजे थप ८ लाख डोज भेरोसेल ल्याउने जानकारी उनले दिए । खोप लिएर विहान ७ :४५ बजे जहाज त्यस तर्फ उडिसकेको छ ।
सरकारले चिनिया कम्पनी सिनोफार्मसंग नन् डिस्क्लोजेवल एग्रीमेन्ट गरी ६० लाख खोप खरीद गर्ने निर्णय गरेको थियो । खरीद गरिएको १६ लाख डोज आज बेलुकासम्म आइपुगेपछि बाँकी ४४ लाख पनि अगष्ट महिना भित्रै आइपुग्ने बताइएको छ ।
