- मङ्लबार, कार्तिक २५, २०८३ / Tuesday, Nov, 10 ,2026
तीन दिन पहिले हेटौँडाबाट अपहरणमा परेका दुई युवालाई प्रहरीले भारतमा फेला पारेको छ।
मकवानपुरको हेटौँडा उपमहानगरपालिका ९ का २३ वर्षीय गोबिन्द श्रेष्ठ र २२ वर्षीय पवन राना मगरलाई शनिबार राति फेला पारेको मकवानपुर प्रहरीले जनाएको छ।
भदौ ३ गतेदेखि उनीहरु हराइरहेका थिए। शनिबार राति भारतीय प्रहरीको सहयोगमा मोतिहारीमा फेला पारेको मकवानपुरका डीएसपी जयश्वर रिमालले बताए।
अपहरणमुक्त युवालाई आइतबार मकवानपुर ल्याइएको छ। उनीहरुलाई भारतीय नागरिकले अपहरण गरेको र ५ लाख भारु फिरौती माग गरेको डीएसपी रिमालले बताए।
उद्धार गरिएका युवालाई आफन्तको जिम्मा लगाएको र घटनाका सम्बन्धमा थप अनुसन्धान भइरहेको प्रहरीले जनाएको छ।
अपहरणमा संलग्नलाई भने प्रहरीले पक्राउ गर्न सकेको छैन।
