- बिहिबार, भदौ ४, २०८३ / Thursday, Aug, 20 ,2026
लुम्बिनीका मुख्यमन्त्री कुलप्रसाद केसीले विश्वासको मत पाएका छन् ।
सोमबार प्रदेशसभामा केसीले गरेको विश्वासको मतको पक्षमा ४२ मत परेको हो ।
प्रदेशसभामा मुख्य विपक्षी दल एमालेका सांसद उपस्थित नभएका कारण विपक्षमा शून्य मत परेको छ । एक सांसद तटस्थ बसेका छन् ।
लुम्बिनीका चार दलको समर्थनमा केसी २८ साउनमा मुख्यमन्त्री बनेका थिए । उनको सोमबार विश्वासको मत लिने कार्यसूची प्रदेशसभा सचिवालयले प्रकाशित गरेको थियो ।
सोमबार अपराह्न बसेको प्रदेशसभा बैठक एमालेले अवरुद्ध गरेको थियो भने दोस्रो बैठकमा एमाले सांसदहरू अनुपस्थित रहेका थिए । तेस्रो बैठकमा मुख्यमन्त्री केसीले विश्वासको मत पाएका हुन् ।
