- बिहिबार, भदौ ४, २०८३ / Thursday, Aug, 20 ,2026
नेकपा एमालेका अध्यक्ष केपी शर्मा ओलीले एमालेबाट कारबाहीमा परेका माधवकुमार नेपालसहित नेता उपस्थित भए संसद चल्न नदिने चेतावनी दिएका छन् ।
एमाले संसदीय दलको बैठकमा उनले आफूहरुले कारबाही गरेका माधव नेपालसहितका १४ जना उपस्थित भए प्रतिनिधिसभाको बैठक चल्न नदिने चेतावनी दिएका हुन् ।
ओलीले भने, ‘नियमावलीअनुसार गैरसंसदको उपस्थितिमा संसद चल्न सक्दैन । हामीले साउन २५ गते नै निस्कासन गरेका व्यक्तिहरु उपस्थित हुन्छन् भने हामी कसरी सहभागी हुन सक्छौं रु यदि गैर सांसदको उपस्थिति छ भने कुनै पनि हालतमा सदन प्रारम्भै हुन दिँदैनौं ।’
ओलीले वर्तमान प्रधानमन्त्री शेरबहादुर देउवा नेतृत्वको सरकार परमादेशबाट बनेको असंवैधानिक सरकार भएको अरोप लगाएका छन् ।
उनले भने ‘यो परमादेशबाट असंवैधानिक ढंगले, जनताको अभिमतबाट होइन, संसदबाट निर्वाचित भएर होइन, संसदीय प्रक्रियाबाट होइन परमादेशबाट बनेको सरकार हो । यसले सार्वभौमसत्ता सम्पन्न जनताको अभिमतप्रति कुनै उत्तरदायित्व पनि छैन । यो परमादेश हो ।’
