- बिहिबार, भदौ ४, २०८३ / Thursday, Aug, 20 ,2026
कोसी लोकमार्ग अन्तर्गत मोरङको बूढीगंगा गाउँपालिका–२ मा यात्रुबहाक बसको ठक्करबाट एक साइकलयात्रीको मृत्यु भएको छ ।
बिहीबार साँझ को १ ख ७५४८ नम्बरको बसले ठक्कर दिँदा संखुवासभा घर भइ मोरङको बेलबारी नगरपालिका–८ मा बस्दै आएका ५१ वर्षीय देवेन्द्र पन्तको मृत्यु भएको हो ।
मोरङ प्रहरीका प्रवक्ता डीएसपी दीपक श्रेष्ठका अनुसार साइकलमा सडक पार गर्ने क्रममा बसले ठक्कर दिँदा पन्त गम्भीर घाइते भएका थिए । उनको उपचारका क्रममा मृत्यु भएको प्रहरीले जनाएको छ ।
