- बिहिबार, भदौ ४, २०८३ / Thursday, Aug, 20 ,2026
परराष्ट्रमन्त्री नारायण खड्काको शपथ बदरको माग गर्दै सर्वोच्च अदालतमा रिट दायर भएको छ।
अधिवक्ता विशाल न्यौपानेले मन्त्री खड्काको शपथ वैधानिक तवरबाट नभएको भन्दै रिट दायर गरेका हुन् ।
अधिवक्ता न्यौपानेले परराष्ट्रमन्त्री खड्काले कुन कानुनअनुसार शपथ लिएको भनी प्रश्न गरेका छन् । उनले रिटमा उल्लेख गरेका छन्, ‘कुन संघीय कानून बमोजिम गरिएको हो भन्ने उल्लेख नै नगरी अथवा कानुनको स्रोतको अभावमा र कानुनले परिकल्पना गरेको कुनै ढाँचाविना असंवैधानिक तवरले गरिएको पद तथा गोपनीयताको शपथ उत्प्रेषणको आदेशबाट बदर गरिपाउँ ।’
राष्ट्रपति विद्यादेवी भण्डारीले असोज ६ गते परराष्ट्रमन्त्री डा। खड्कालाई पद तथा गोपनीयताको शपथ गराएकी थिइन्।
केपी शर्मा ओली नेतृत्वको सरकारले ल्याएको शपथसम्बन्धी अध्यादेश संसदबाट पारित नभएपछि निष्क्रिय भएको छ । त्यसैले हाल मुलुकमा शपथसम्बन्धी संघीय कानुन छैन ।
