- बिहिबार, भदौ ४, २०८३ / Thursday, Aug, 20 ,2026
तनहुँमा गोली लागेर एक युवकको मृत्यु भएको छ ।
मृत्यु हुनेमा तनहुँको शुक्लागण्डकी नगरपालिका -१ थप्रेका १७ वर्षीय रोहित मल्ल रहेका छन् ।
जिल्ला प्रहरी कार्यालय तनहुँका अनुसार आइतबार राति सिकार खेल्न गएका बेला गोली लागेर उनको मृत्यु भएको हो ।
प्रहरीको प्रारम्भिक अनुसन्धानबाट रोहित बन्दुक बोकेर सिकार खेल्न गएको प्रहरीले जनाएको छ । प्रहरीले बन्दुकसहित छिमेकी ४७ वर्षीय सुनबहादुर गुरुङलाई पक्राउ गरेको छ ।
घटनाबारे थप अनुसन्धान भइरहेको प्रहरीले जनाएको छ ।
