- बिहिबार, भदौ ४, २०८३ / Thursday, Aug, 20 ,2026
नेपाली बजारमा सोमबार सुनचाँदीको मूल्यमा फेरि गिरावट आएको छ ।
यो साताको तथ्यांक हेर्दा सुनचाँदीको भाउ घट्दै गएको देखिन्छ ।
सोमबार छापावाल सुन तीन सय रुपैयाँले घटेर प्रतितोला ९१ हजार तीन सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
आइतबार छापावाल सुन प्रतितोला ९१ हजार छ सय रुपैयाँमा कायम भएको थियो ।
यस्तै, आज छापावाल सुन प्रति १० ग्राम ७८ हजार २७५ रुपैयाँ कायम भएको महासंघले जनाएको छ ।
आज तेजाबी सुन प्रतितोला ९० हजार आठ सय रुपैयाँमा कायम भएको छ । त्यस्तै, तेजाबी सुन प्रति १० ग्राम ७७ हजार ८४५ रुपैयाँ कायम भएको महसंघले जनाएको छ ।
सोमबार चाँदीको मूल्य पनि तोलामा पाँच रुपैयाँले घटेर प्रतितोला एक हजार २२० रुपैयाँ कायम भएको छ ।
आइतबार चाँदी प्रतितोला एक हजार २२५ रुपैयाँ कायम भएको थियो । त्यस्तै, चाँदीको मूल्य प्रति १० ग्राम एक हजार ४६ रुपैयाँ कायम भएको महसंघले जनाएको छ ।
