- सोमवार, कार्तिक २४, २०८३ / Monday, Nov, 09 ,2026
नेकपा माओवादी केन्द्रका नेता वर्षमान पुन अध्यक्ष पुष्पकमल दाहाल ‘प्रचण्ड’ लाई भेट्न आज बिहानै खुमलटार पुगेका छन् ।
चीनबाट उपचारपछि सोमबार मात्र स्वदेश फर्केका पुन अध्यक्ष प्रचण्डलाई भेट्न बिहानै प्रचण्डको निवास (खुमलटार) पुगेका हुन् ।
श्रीमती ओनसरी घर्तीसहित प्रचण्ड निवास खुमलटार पुगेका पुनलाई प्रचण्ड र उनको परिवारले समेत स्वागत गर्दै पूर्ण स्वास्थ्यलाभको कामना गरेको हो ।
सोमबार त्रिभुवन अन्तर्राष्ट्रिय विमानस्थल ओर्लनासाथ पुनले आफू नेकपा माओवादी केन्द्रको महासचिव पदको स्वाभाविक दाबेदार भएको बताएका थिए ।
नेकपा माओवादी केन्द्रको हालै सम्पन्न आठौं महाधिवेशनले केन्द्रीय कमिटी र अध्यक्ष चयन गरे पनि महासचिवलगायत अन्य पदाधिकारी चुन्न बाँकी छ ।
