- बिहिबार, भदौ ४, २०८३ / Thursday, Aug, 20 ,2026
नेपाली बजारमा बुधबार सुनको भाउ प्रतितोला ३०० रुपैयाँले बढेको छ ।
बुधबार छापावाल सुनको भाउ तोलाको ९२ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
मंगलबार छापावाल सुन प्रतितोला ९१ हजार ९०० रुपैयाँमा कारोबार भएको थियो ।
यसैगरी, बुधबार तेजावी सुनको भाउ तोलाको ९१ हजार ७०० रुपैयाँ निर्धारण भएको छ ।
आज चाँदीको मूल्य पनि बढेको छ । मंगलबार एक हजार २४० रुपैयाँमा कारोबार भएको चाँदी बुधबार १५ रुपैयाँले बढेर प्रतितोला एक हजार २५५ रुपैयाँ निर्धारण भएको छ ।
