- बिहिबार, भदौ ४, २०८३ / Thursday, Aug, 20 ,2026
पाँच वर्षभन्दा कम उमेर समूहका बालबालिकाहरूका लागि पनि कोभिड–१९ विरुद्धको खोप आउने भएको छ ।
फाइजर र बायोएनटेकले पाँच वर्षभन्दा कम उमेर समूहका लागि कोभिडविरुद्धको खोप ल्याउने तयारी गरेको हो ।
फाइजर र बायोएनटेक कम्पनीले अमेरिकी स्वास्थ्य नियामक संस्थाहरूलाई पाँच वर्ष र सोभन्दा कम उमेरका बालबालिकाका लागि कोभिड–१९ खोपको आपतकालीन प्रयोग गर्न अनुमति माग्ने तयारी गरेको अमेरिकी सञ्चारमाध्यमले जनाएको छ ।
उक्त सञ्चार माध्यमका अनुसार, अहिलेसम्म अमेरिकामा यो उमेर समूहलाई कोरोना विरुद्धको खोप सिफारिस गरिएको छैन ।
भने यी दुई कम्पनीले पाँच वर्षभन्दा कम र ६ महिनाभन्दा कम उमेरका बालकालिकाहरूका लागि दुई थरी खोप लगाउने प्रबन्धका लागि आकस्मिक अनुमति माग्न सक्ने अनुमान गरिएको छ ।
केही समय अघि अमेरिकी खाद्य तथा औषधि प्रशासनले १२ वर्ष उमेर समुहका लागि फाइजरको कोभिड–१९ बुस्टर मात्रालाई अनुमोदन गरेको थियो ।
