- मङ्लबार, कार्तिक १८, २०८३ / Tuesday, Nov, 03 ,2026
विद्युत लाइन विस्तारमा देखिएको समस्या तत्काल हल गर्न नेपाल विद्युत प्राधिकरणलाई कर्णाली प्रदेशका जलस्रोत तथा उर्जा विकासमन्त्री गणेसप्रसाद सिंहले निर्देशन दिएका छन् ।
चार बर्षअघि ठेक्का लगाएका काम अहिलेसम्म पूरा नभएको भन्दै मन्त्री सिंहले तत्काल ति काम अगाडि नबढाए कडा कदम चाल्ने चेतावनी दिए ।
कर्णाली प्रदेश विद्युत प्राधिकरण प्रदेश प्रमुख सम्भु कुसैयात यादवलाई मन्त्री सिंहले कार्यकक्षमा बोलाएर जाजरकोट लगायत जिल्लाको समस्या समाधान गर्न निर्देशन दिएका हुन् ।
चार वर्षअघि लागेका ठेक्काको काम बैशाखसम्म पूरा गर्न निर्देशन आएको जाजरकोटका प्रमुख अविशेकराज कलुवारले बताए । पहुँचको भरमा ठेक्का लिँदै, बीचमा अलपत्र पार्दै गरेका कारण जाजरकोटमा विद्युत लाइन विस्तारमा समस्या देखिएको छ ।
