- सोमवार, कार्तिक २४, २०८३ / Monday, Nov, 09 ,2026
मालपोत कार्यालय, चावहिल, काठमाडौंका कर्मचारीविरुद्ध भ्रष्टाचर मुद्दा दायर गरिएको छ ।
अख्तियार दुरुपयोग अनुसन्धान आयोगले खरिदार लक्ष्मण बस्नेतविरुद्ध बिगो एक लाख ३५ हजार कायम गरी विशेष अदालतमा भ्रष्टाचार मुद्दा दायर गरेको हो ।
खरिदार बस्नेतले जग्गा नामसारी गर्ने सिलसिलामा आलटाल गरी सामान्य प्रकृयाबाट हुने कामको लागि सेवाग्राहीसँग घुस/रिसवत बापत एक लाख ३५ हजार रुपैयाँ मागेको अख्तियारले जनाएको छ ।
अख्तियारले उनलाई घुस/रिसवत लिइसकेको अवस्थामा यही फागुन १२ गते नियन्त्रणमा लिएको थियो ।
