- बिहिबार, भदौ ४, २०८३ / Thursday, Aug, 20 ,2026
भरतपुर महानगरपालिकामा नेकपा माओवादी केन्द्रबाट उम्मेद्वार रहेकी नेतृ रेनु दाहालले भरतपुरमा गर्व गर्न सकिने काम गरेको दाबी गरेकी छन् ।
बिहिबार भरतपुरमा आयोजित चुनावी सभालाई सम्बोधन गर्दै उनले ०७४ सालमा मेयरमा निर्वाचित भएर विपक्षीहरुका अगाडि शीर झुकाउनु नपर्ने गरी काम गरेको बताएकी हुन् ।
सत्तारुढ गठबन्धनले भरतपुरमा आयोजना गरेको आमसभामा सम्बोधन गर्दै उनले भनिन्, ‘पाँच वर्षमा टाउको झुकाउन नपर्ने गरी, प्रतिपक्षको आँखा जुधाएर कुरा गर्न सक्ने भएका छौं, भरतपुरलाई गर्व गर्ने ठाउँमा पुर्याएका छौं। ’
उनले भरतपुरलाई आगामी दिनमा पर्यटकीय गन्तव्य बनाउन, रोजगारीको सिर्जना गर्न काम गर्ने बताइन् । उनले भूमिहीनहरूलाई जग्गा प्रदान गर्ने पनि बताइन्। उनले भनिन्, ‘पूर्वाधारको क्षेत्रमा कास्टिङ भइसकेको छ, अब फिल्म देखाउन बाँकी छ ।’
