- आइतवार, कार्तिक १६, २०८३ / Sunday, Nov, 01 ,2026
तीन हप्तादेखि निरन्तर रूपमा गिरावट हुँदै आएको शेयर बजार परिसूचक नेप्से शुक्रबार भने दोहोरो अंकले बढेको छ ।
शुक्रबार नेप्से परिसूचक १३.७८ अंकले बढेर १८६२.०६ बिन्दुमा पुगेको हो । नेप्से बढेसँगै ठूला कम्पनीको कारोबार देखाउने सेन्सेटिभ इन्डेक्स पनि २.८१ अंक बढेको छ ।
शुक्रबार कारोबारमा आएका २२३ कम्पनीको ३५ लाख ४१ हजार ५३७ कित्ता शेयर १ अर्ब १५ करोड १२ लाख रुपैयाँमा किनबेच भएको छ ।
नेप्सेका १३ उपसमूहमध्ये १२ वटा उपसमूहको सूचक बढेको छ भने म्युच्युअल फण्डको सूचकमा भने गिरावट आएको छ । फाइनान्स उपसमूहको सूचक सर्वाधिक १.९१ प्रतिशतले बढेको छ भने म्युचुअल फण्ड उपसमूहको सूचक ०.६७ प्रतिशतले घटेको छ ।
शुक्रबार कारोबारमा आएका ङादी ग्रुप पावर कम्पनीको शेयरमा सकारात्मक सर्किट लेभलमा कारोबार भएको छ भने सीवाईसी नेपालको शेयरमूल्य पनि ८.२१ प्रतिशतले बढेको छ ।
