- बिहिबार, भदौ ४, २०८३ / Thursday, Aug, 20 ,2026
नेपाली कांग्रेसनिकट पत्रकारहरुको संगठन नेपाल प्रेस युनियनको नवौं महाधिवेशनको मतगणना जारी छ।
बागमती प्रदेशको राजधानी हेटौंडामा शनिबार भएको निर्वाचनको मत परिणाम आउने क्रम सुरु भएको छ।
अहिलेसम्म ६ सय मतगणना भएको छ। जसमा संस्थापन पक्षबाट अध्यक्षमा उम्मेदवारी दिएकी अनिता बिन्दुले २ सय ७१ मत प्राप्त गरेकी छिन्। त्यस्तै, अर्का अध्यक्षका उम्मेदवार बनेका शिव लम्सालले ३ सय २६ मत प्राप्त गरेका छन्।
वरिष्ठ उपाध्यक्षमा संस्थापन पक्षका सरोज अधिकारीले २ सय ७८ मत ल्याउँदा अर्का प्रेम केसी २ सय ९५ मत ल्याएका छन्।
महासचिवमा संस्थापन पक्षका उम्मेदवार जगन्नाथ दुलालले १ सय ९० र अर्का दिलीप पौडेलले ३ सय ८० मत प्राप्त गरेका छन्।
महाधिवेशन उद्घाटन सत्रमा प्रधानमन्त्री समेत रहेका सभापति शेरबहादुर देउवा, वरिष्ठ नेता रामचन्द्र पौडेल लगायतको उपस्थिति रहेको थियो।
हेटौंडाको रोयल पार्टी प्यालेसमा गत शुक्रबारबाट नवौं महाधिवेशन भएको थियो।
