- शनिबार, कार्तिक १५, २०८३ / Saturday, Oct, 31 ,2026
दोहा – फिफा विश्वकप फुटबल आयोजक कतारले विश्वकप अवधिभर रंगशाला वरपर मदिरा बिक्रीमा प्रतिबन्ध लगाएको छ। फिफाले शुक्रबार रंगशाला वरपर मदिरा बिक्रीमा प्रतिबन्ध लगाएको हो।
फिफा मिडिया विभागक अनुसार फिफाले कतारमा हुने फिफा विश्वकप २०२२ को स्टेडियम वरपर मादक पेय पदार्थ बिक्रीमा प्रतिबन्ध लगाउने घोषणा गरेको जनाएको छ।
फिफा मिडिया विभागले जारी गरेको विज्ञप्तिमा भनिएको छ, ‘आयोजक देशका अधिकारी र फिफा बीचको छलफलपछि, फिफा फ्यान फेस्टिवल, अन्य फ्यान गन्तव्य र इजाजतपत्र प्राप्त स्थानमा मादक पेय पदार्थको बिक्रीलाई केन्द्रित गर्ने निर्णय गरिएको छ।’
आयोजक देशका अधिकारी र फिफाले स्टेडियम, वरपरका क्षेत्रमा सबै दर्शकई रमाइलो, सम्मानजनक र रमाइलो अनुभव प्रदान गर्ने सुनिश्चित गर्न जारी राख्नेछ’, विज्ञप्तिमा भनिएको छ।
बड जिरोको विक्रीमा कुनै असर नपर्ने र कतारका सबै विश्वकप रङ्गशालामा उपलब्ध हुने जनाएको छ। फिफाको प्रमुख प्रायोजक बडवाइजर बियर एबी इनबेभको स्वामित्वमा हो। उसले विश्वकपमा बियर बेच्ने विशेषाधिकार पाएको थियो।
फिफा विश्वकप कतार २०२२ को उदघाटन समारोह आइतबार साँझ साँझ ५ बजे अल बायत स्टेडियममा हुनेछ। प्रतियोगिताको उदघाटन खेलमा आयोजक कतारले इक्वेडरसँग कतारको समय अनुसार साँझ ७ बजे प्रतिस्पर्धा गर्नेछ।
