- बिहिबार, भदौ ४, २०८३ / Thursday, Aug, 20 ,2026
नेपाली कांग्रेसका उपसभापति पूर्णबहादुर खड्काले संसदीय दलको चुनावमा गाली तथा धम्की आएका खुलासा गरेका छन् । उनले सामाजिक सञ्जालमार्फत संसदीय दलको चुनावपछिमा गाली तथा धम्की आएका बताएका हुन् ।
सांसदहरूलाई धम्की तथा गाली दिनु नै पुस्तान्तरण र रूपान्तरणको लोकतान्त्रिक शैली हो भन्दै उनले प्रश्न गरेका छन् । ‘अब त नलेखी नहुने भयो । अति भयो । संसदीय दलको निर्वाचन पहिले पनि सांसदहरूलाई धम्की, असलिल शब्दबाट गाली अनि संसदीय दलको निर्वाचनको परिणामपछि पनि सांसदहरूलाई त्यही धम्की, त्यही गाली ? अनि यही हो पुस्तान्तरण र रूपान्तरणको लोकतान्त्रिक शैली ?,’ उपसभापति खड्काले भनेका छन् ।
उनले महामन्त्री गगन थापाका समर्थकबाट यस्तो कार्य भएको संकेत गरे । उनले अगाडि भनेका छन्, ‘गगन जी जस्तो पार्टीको जिम्मेवार कार्यकारी पदमा रहनुभएको युवा नेताको समर्थक हौँ भन्ने साथीहरूको यो प्रचार शैलीले गगन जिलाई कति सहयोग पुग्यो होला र भविष्यमा पुग्ला ? एक पटक निधार खुम्च्याएर साेचौँ ? लोकतन्त्र त विश्वास जितेर, मन जितेर परिणाम जित्ने सुन्दर प्रणाली होइन र ?
