- शनिबार, कार्तिक १५, २०८३ / Saturday, Oct, 31 ,2026
नेपाली कांग्रेसका नेता एवं सांसद रामहरि खतिवडाले प्रधानमन्त्री पुष्पकमल दाहाल प्रचण्डलाई सशस्त्र द्वन्द्वबाट शान्तिपूर्ण राजनीतिमा अवतरण गरी अहिलेको स्थानमा पुर्याउन सीता दाहालको अविस्मरणीय भूमिका रहेको बताएका छन् ।
प्रधानमन्त्रीकी धर्मपत्नी सीता दाहालको निधनका कारण साउन २ मा सरेको केन्द्रीय समिति बैठकमा नक्कली भुटानी शरणार्थी प्रकरणको विषय उठ्छ कि उठ्दैन भन्ने पत्रकार धमलाको प्रश्नमा खतिवडाले भने, ‘हामी मुलुक कानुनसम्मत मुलुक चलोस् चाहन्छौं । तर हामी अदालतमा विचाराधीन विषय प्रभावित हुने कुनै पनि निर्णय गर्दैनौं । हाम्रा कुनै पनि नेता सभापति, उपसभापति, महामन्त्रीहरु कसैलाई बचाउन वा फसाउने काममा लाग्नुभएको छैन । चुरोमा नपुग्ने कुरा बाहिर प्रचार गर्नुको अर्थ छैन ।
उनले भने :प्रायः ठूला नेताका श्रीमतीहरु राजनीतिक विवादमा पर्छन् । तर सीता दाहाल सत्ता राजनीतिमा पनि शालीन, सौम्य, नम्र नारी देखिनुभयो । सबैका यस्तै आमा, श्रीमती थिए भने राजनीतिमा मात्र होइन, सबै क्षेत्रमा सफल हुन्थे, ।
