- बिहिबार, भदौ ४, २०८३ / Thursday, Aug, 20 ,2026
वि.सं. २०५५ कात्तिक २८ गते खाल्डोमा पारी गैँडा मारी खाग काटेको अभियोगमा फरार रहेका विष्णु कार्की, गोगनबहादुर बाँनिया क्षेत्री, यामबहादुर बाँनिया र हरि कार्कीलाई निकुञ्जले पक्राउ गरेको हो ।
निकुञ्जका सूचना अधिकारी गणेशप्रसाद तिवारीका अनुसार उनीहरूमध्ये हरिलाई विसं २०५७ माघ २५ को फैसलाले ५० हजार जरिवाना र सात वर्ष कैद तोकेको थियो भने अन्यलाई एक लाख जरिवाना तथा १० वर्ष कैद तोकेको थियो ।
उनीहरूलाई यही असोज ६ र ७ गते पक्राउ गरिएको हो । उनका अनुसार जिल्ला प्रहरी कार्यालय मकवानपुरको सहयोगमा विष्णु, गोगनबहादुर तथा यामलाई ६ र ७ गते पक्राउ गरिएको थियो । जिल्ला प्रहरी कार्यालय काभ्रेपलान्चोकको सहयोगमा हरीलाई असोज ६ गते पक्राउ गरिएको हो ।
सो घटनमा १७ जनाको संलग्नता रहेको अनुसन्धानबाट खुल्न आएको थियो । अन्यलाई पक्राउ गरिसकिएको छ । पक्राउ परेका उनीहरूलाई कारागार कार्यालय भरतपुर पठाइएको तिवारीले जानकारी दिए ।
