- बिहिबार, भदौ ४, २०८३ / Thursday, Aug, 20 ,2026
इटहरीबाट अटोमेटिक पेस्तोलसहित दुई जना पक्राउ परेका छन्।
प्रहरीका अनुसार बिहीबार बेलुका चेकजाँच गर्ने क्रममा पेस्तोलसहित दुई जना पक्राउ परेका हुन्।
पक्राउ पर्नेमा सुन्दर-हरैंचा ४ का ३३ वर्षीय जागिर खान र सुनसरी हरिनगरा गाउँपालिका वडा नम्बर ७ का ४७ वर्षीय जमिल अन्सारी रहेका छन्।
इटहरी उपमहानगरपालिका वडा नम्बर ८ कदमा टोलमा चेकजाँच गर्ने क्रममा को९प ७४८६ मोटरसाइकलमा रहेका उनीहरूलाई पक्राउ गरिएको प्रहरीले जनाएको छ ।
फलामले बनेको उक्त पेस्तोलको नाम र नम्बर खुलेको छैन। उक्त पेस्तोलमा ७.६५ एमएमका पाँच थान गोली लोड गरेको म्यागजिन पनि फेला परेको छ।
उनीहरू हतियार कारोबारी रहेको प्रारम्भिक अनुसन्धानमा खुलेको छ।
