- आइतवार, कार्तिक १६, २०८३ / Sunday, Nov, 01 ,2026
जाजरकोटमा सोमबार भएको जीप दुघर्टनामा गम्भीर घाइते भएका थप एक जनाको उपचारका क्रममा सुर्खेतमा मृत्यु भएको छ।
जाजरकोट छेडागाड-५ का जैवान अधिकारीको मंगलबार बिहान प्रदेश अस्पताल सुर्खेतमा मृत्यु भएको प्रहरीले जनाएको छ।
योसँगै दुघर्टनामा मृत्यु हुनेको संख्या १२ पुगेको छ। जीपमा १२ जना सवार थिए। घटनास्थलमा नौ जना र उपचारका लागि सुर्खेत लैजाने क्रममा दुई जना र उपचारकोा क्रममा अस्पतालमा एक जनाको मृत्यु भएको हो।
क्षमताभन्दा बढी यात्रु र तीव्रगतिमा रहेको जीप चालकको नियन्त्रण बाहिर गएपछि दुर्घटना भएको प्रहरीको अनुमान छ। पाँच जनाको क्षमता रहेको गाडीमा १२ जना चढेका कारण पनि जीप अनिन्त्रित भएको हुन सक्ने स्थानीयले बताए।
