- बिहिबार, भदौ ४, २०८३ / Thursday, Aug, 20 ,2026
पशुपतिनाथ कोटीहोमस्थलमा शुक्रबार राति भएको घटनाको छानबिन गर्न स्थानीय प्रशासनले सात सदस्यीय छानबिन समिति गठन गरेको छ ।
जिल्ला प्रशासन कार्यालय काठमाडौंले सहायक प्रमुख जिल्ला अधिकारी माधवप्रसाद ढुंगानाको संयोजकत्वमा सात सदस्यीय समिति गठन गरेको हो ।
समितिमा जिल्ला प्रहरी परिसर काठमाडौंका डीएसपी गंगा पौडेल, सशस्त्र प्रहरी बलका डीएसपी प्रमोद राय, अधिवक्ता सचितानन्द काफ्ले, नेपाल पत्रकार महांघका सचिव गोविन्द चौलागाईं, मानव सेवा फाउन्डेसनका विष्णुकुमार थापा सदस्य छन् ।
समितिको सदस्य सचिवमा जिल्ला प्रशासन कार्यालय काठमाडौंका अनुपम पौडेललाई चयन गरिएको छ । उक्त समितिलाई कोटीहोम आयोजनास्थलमा शुक्रबार राति भएको घटनाका बारेमा स्थलगत अध्ययन र छानबिन गरी १५ दिनभित्र प्रतिवेदन पेस गर्न कार्यादेश दिइएको छ ।
शुक्रबार राति कथावाचक विजय कृष्णमूर्तिलाई पक्राउ गर्न प्रहरी पुगेको भन्दै तनाव उत्पन्न भएको थियो ।
