- बिहिबार, भदौ ४, २०८३ / Thursday, Aug, 20 ,2026
नेपाल कम्युनिष्ट पार्टी (नेकपा) का संसदीय दलका प्रमुख सचेतक देवप्रसाद गुरुङले संवैधानिक व्यवस्थाअनुसार उपसभामुख डा. शिवमाया तुम्बाहाम्फे सभामुखको उम्मेद्धवारनै बन्न नपाउने दाबी गरेका छन् । उपसभामुख पदमा रहिरहेर सभामुखमा आफ्नो उम्मेद्धवारी दिन मिल्दैन् । यदि उम्मेद्धवार हुन चाहेको भए उपसभामुखबाट अनिवार्य रुपमा राजीनामा दिनुपर्ने नेता गुरुङको तर्क थियो ।
साक्षत्कारमा नेता गुरुङले भने,‘संसद अवरुद्ध हुनु दुःखद् हो । यदि संसद यही तवरले अवरुद्ध भैरहे मुलुकको सिस्टममा गत्यावरोध हुनसक्छ । यो गत्यावरोध संवैधानिक अंगसँग सम्बन्धित छ । त्यसैले पार्टीले मात्रै निकास दिन सक्दैनन् । व्यक्तिका ईच्छा, आकांक्षा पूरा गर्नको लागि सदन अवरुद्ध गर्न हुनन ।’
त्यस्तै नेता गुरुङले सभामुख पद रिक्त रहेकोले त्यसको लागि निर्वाचन आवश्यक रहेको समेत बताए । ठुलो दल भएका नाताले पनि सभामुखमा नेकपाले उम्मेद्धवारी दिने बताए । उपसभामुख डा. शिवमाया तुम्बाहाम्फेलाई राजीनामा दिएर मार्गप्रशस्त गर्न नेकपाले आग्रह गरेको तर उहाँले नमानेको नेता गुरुङको भनाई थियो ।
