- आइतवार, कार्तिक १६, २०८३ / Sunday, Nov, 01 ,2026
ललितपुरको बालकुमारीमा आज बिहान आगलागी भएको छ ।
बालकुमारीको सीसीआरसी कलेज नजिकैको एक निजी घरमा बिहान पौने नौ बजेतिर आगलागी भएको हो ।
आगलागीबाट घरको दुई वटा तलामा क्षति पुगेको छ । दुवै तलामा रहेका फर्निचर, कागजात लगायतका सामान जलेर नष्ट भएको छ । आगलागीबाट यति क्षति भयो भन्नेबारे अनुसन्धान भइरहेको प्रहरीले जनाएको छ ।
विद्युत सर्ट भएर आगलागी भएको प्रहरीको अनुमान छ ।
नेपाल प्रहरी, जुद्ध वारुण यन्त्रका दुई दमकलको सहयोगमा करिब आधा घण्टामै आगो नियन्त्रणमा लिइएको छ ।
