- बिहिबार, भदौ ४, २०८३ / Thursday, Aug, 20 ,2026
कोरोना भाइरस (कोभिड–१९) को जोखिम न्यूनीकरणका लागि सरकारले शैक्षिक संस्था समेत बन्द गरेको अवस्थामा न्यायपालिकाले शुक्रबार फूलकोर्ट बैठक बसेर सुनुवाइ स्थगनको तयारी गरेको छ ।
बिहीबारबाटै सुनुवाइ स्थगित गर्ने तयारी भएपनि प्रधानन्यायाधीश ओमभक्त श्रेष्ठको निधनमा शोक प्रस्ताव पारित भएसँगै फुलकोर्ट बैठक स्थगित भएको हो । कोरोना भाइरसको विषय संबेदनशिल भएकाले शुक्रबार फुलकोर्ट बैठक बसेर नियमित पेशीको सुनुवाइ स्थगनको विषयमा निर्णय लिन लागेको सर्वोच्चका मुख्य रजिष्टार नृपध्वज निरौलाले बताए ।
उनका अनुसार शुक्रबार फुलकोर्ट बैठकले मुद्दा सुनुवाइको विषयमा निर्णय लिनेछ । बन्दीप्रत्येक्षीकरण बाहेक नियमित पेशी केही साताका लागि बन्द गर्ने निर्णय हुन सक्नेछ । सर्वोच्च फुलकोर्ट बैठकले आफु मातहत रहेको जिल्ला र उच्च अदालतको मुद्दा सुनुवाइ समेत स्थगन गर्नेछ ।
