- बिहिबार, भदौ ४, २०८३ / Thursday, Aug, 20 ,2026
भारतमा पछिल्लो २४ घण्टामा चार सय ७२ जनामा कोरोना भाइरसका नयाँ संक्रमित भेटिएका छन् । योसंगै भारतमा संक्रमितको संख्या तीन हजार तीन सय ७४ मा पुगेको छ ।
बीबीसी हिन्दीका अनुसार, पछिल्लो २४ घण्टामा भारतमा ११ जनाको कोरोना भाइरसको कारण मृत्यु भएको छ । योसंगै भारतमा कोरोना भाइरसबाट मृत्यु हुनेको संख्या ७९ पुगेको । त्यस्तै भारतमा अहिलेसम्म दुई सय ६७ जना संक्रमित निको भएका छन् ।
पछिल्लो केही दिनयता भारतमा कोरोना भाइरसको महामारी तीव्र गतिमा फैलिएको छ । पछिल्लो चार दिनमा मात्र भारतमा भाइरसका संक्रमितको संख्या दोब्बरभन्दा बढी पुगिसकेको छ ।
