- शनिबार, कार्तिक २२, २०८३ / Saturday, Nov, 07 ,2026
गुल्मीमा बाबुको हत्या गरेको आरोपमा १ जना पक्राउ परेका छन् ।
जिल्लाको इस्मा गाउँपालिका-२ पालुखामा ४६ वर्षीय टेक बहादुर कुमाललाई ढुङगाले हानी हत्या गरेको अभियोगमा २५ वर्षीय अर्जुन कुमाललाई शुक्रबार प्रहरीले पक्राउ गरेको हो ।
अर्जुनले बुबालाई ढुङगाले हानी हत्या गरेको भन्ने खबर प्राप्त हुनासाथ जिल्ला प्रहरी कार्यालय गुल्मी र प्रहरी चौकी हस्तीचौरबाट खटिएको प्रहरीले उनलाई पक्राउ गरेको जनाइएको छ ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।
