- बिहिबार, कार्तिक २०, २०८३ / Thursday, Nov, 05 ,2026
स्थानीय र पश्चिमी वायुको प्रभावले आज (बिहीबार) देशका धेरै ठाउँमा हावाहुरी, असिना र चट्याङसहित वर्षा हुने मौसमविदले बताएका छन् ।
बिहीबार बिहान देशको पूर्वी भू–भागमा आंशिक बदली तथा बाँकी भू–भागमा मौसम सामान्यतया सफा रहेको पूर्वानुमानमा उल्लेख गरिएको छ ।
बिहीबार दिउँसो देशभर आंशिकदेखि सामान्य बदली रहने छ । देशका मध्य र पूर्वका केही स्थानहरु र पश्विमीका थोरै स्थानहरुमा मेघगर्जन, चट्याङ, असिना र हावाहुरीसहित वर्षाको सम्भावना रहेको महाशाखाले जारी पूर्वानुमानमा उल्लेख गरिएको छ ।
यसैगरी, राति देशभर आंशिक देखि सामान्य बदली रहने र देशको पहाडी भू–भागका थोरै स्थानमा मेघगर्जन, चट्याङ, असिना र हावाहुरीसहित वर्षाको सम्भावना रहेको पूर्वानुमानमा उल्लेख छ ।
हावाहुरी, असिना र चट्याङसहित वर्षाको सम्भावना रहेकाले सबैलाई होशियार रहेर बस्न मौसमविदले सचेत गराएका छन् ।
