- आइतवार, कार्तिक १६, २०८३ / Sunday, Nov, 01 ,2026
नेपालमा हालसम्म कोरोना भाइरस रोगको संक्रमण पुरुषलाई धेरै देखिएको छ। कुल २४६ संक्रमित मध्ये पुरुषको संख्या १९८ र महिलाको संख्या ४८ रहेको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता डा. विकास देवकोटाले ६ वटा प्रदेशका विभिन्न २२ जिल्लामा संक्रमितहरु रहेको जानकारी दिए।
हालसम्म कर्णली प्रदेशमा कुनैपनि संक्रमित भेटिएका छैनन् भने प्रदेश १ का ३ जिल्ला, प्रदेश २ का ७ जिल्ला, बागमती प्रदेशका ४ जिल्ला, गण्डकीको २ जिल्ला, प्रदेश ५ का ५ जिल्ला र सुदूरपश्चिमको २ जिल्लामा संक्रमितहरु देखा परेका छन्।
त्यस्तै नेपालमा हालसम्म पीसीआरबाट २२ हजार ६६४ र र्यापिड डायग्नोष्टिक टेस्टबाट ६२ हजार ३२७ जनाको कोरोना परीक्षण गरिएको प्रवक्ता देवकोटाले जानकारी दिए।
देशरभर क्वारेन्टाइनमा १५ हजार ६०० जना रहेका छन् भने २७२ जना आइसोलेसनमा रहेका छन्।
