- शुक्रबार, कार्तिक २१, २०८३ / Friday, Nov, 06 ,2026
पछिल्लो २४ घण्टामा २२६ जनामा कोरोना संक्रमणको पुष्टि भएको छ ।
स्वास्थ्य तथा जनसंख्या मन्त्रालयले सोमबार आयोजना गरेको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले थप २२६ जनामा संक्रमण पुष्टि भएको जानकारी दिए ।
जसमा २ सय १३ जना पुरुष र १३ जना महिला रहेका छन् ।
योसँगै नेपालमा संक्रमितको संख्या १७ सय ९८ पुगेको छ। यीमध्ये २२१ जना कोरोना संक्रमण मुक्त भएका छन् भने ८ जनाको मृत्यु भइसकेको छ ।
अहिलेसम्म देशभर ७१ हजार ९ सय ६ जनाको पीसीआर विधिबाट कोरोना परीक्षण गरिएको छ। १ लाख ३३ हजार ९ सय ७५ जना क्वारेन्टाइनमा छन्।
