- बिहिबार, भदौ ४, २०८३ / Thursday, Aug, 20 ,2026
अहिले देशभर मनसुनी वायुको प्रभाव कायम रहेकाले देशका अधिकांश भू–भागमा आंशिकदेखि सामान्य बदली रहेको मौसम पुर्वानुमान महाशाखाले जनाएको छ।
हाल देशका अधिकांश भूभागमा आंशिकदेखि सामान्य बदली रहेको छ। प्रदेश २ का बारा, पर्सा, रौतहट र प्रदेश ५ का बाँके, बर्दिया, दाङमा मौसम सफा छ। सुदुरपश्चिम प्रदेशका पहाडी भू–भागमा र प्रदेश १ का तराई भूभागमा वर्षा भईरहेको छ।
दिउँसो देशभर सामान्यदेखि पूर्ण बदली रही सातै प्रदेशका धेरै स्थानहरुमा हल्कादेखि मध्यम वर्षाको संभावना रहेको छ।
देशका धेरै स्थानहरुमा हल्कादेखि मध्यम वर्षा हुनुका साथै प्रदेश १, प्रदेश २, गण्डकी प्रदेश र कर्णाली प्रदेशका एक वा दुई स्थानहरुमा भारी वर्षाको संभावना रहेको छ।
तसर्थ ती क्षेत्रहरुका नदीमा पानीको बहाव बढ्ने, भू–क्षय हुने, पहिरो जाने, सडक तथा हवाई यातायात प्रभावित हुने तथा ढल/पानीको राम्रो निकास नभएको ठाउँमा डुबान समेत हुन सक्ने भएकोले आवश्यक सतर्कता अपनाउन महाशाखाले अनुरोध गरेको छ।
