- सोमवार, कार्तिक २४, २०८३ / Monday, Nov, 09 ,2026
सुदूरपश्चिम प्रदेश सरकारको भूमि व्यवस्था, कृषि तथा सहकारी मन्त्रालयले सहल किरा मार्नेलाई प्रतिकिलो २५ रुपैयाँ दिने निर्णय गरेको छ ।
मन्त्रालयले आइतबार पत्रकार सम्मेलन आयोजना गरी सलह किरा मार्नेलाई प्रतिकिलो २५ रुपैयाँ दिने मन्त्रीस्तरीय निर्णय भएको जनाएको हो ।
मन्त्रालयका प्रवक्ता खगेन्द्र शर्माले सलह किरा मार्नमा सहयोग गर्न प्रदेशबासीहरुलाई अनुरोध पनि गरे । यसअघि, प्रदेश–५ ले सहल मार्ने किसानलाई प्रतिकिलो २० रुपैयाँ प्रोत्साहन रकम दिने निर्णय गरेको छ ।
शनिबार बिहानदेखि बारा र सर्लाही जिल्लामा पहिलो पटक देखिएको सलह किराको फौज अरु जिल्लामा पनि फैलन थालेकोपछि सुदूरपश्चिम प्रदेशको कृषि मन्त्रालयले सर्तकता अपनाउन थालेको छ ।
प्रवक्ता शर्माले सलह किरालाई सुदूरपश्चिम प्रदेशमा प्रवेश गर्न नदिन सर्तकता अपनाउने तयारी भएको जनाए । उनले आइतबार नै मन्त्रालयमा बसेको बैठकले कृषि निर्देशनालयका निर्देशकको संयोजकत्वमा दु्रत सलह नियन्त्रण समूह (टास्क फोर्स) गठन गरेको जनाए ।
यस्तै, नेपालका पूर्वी भागमा सलह किरा देखिएपछि कर्णाली क्षेत्रका स्थानीय तहलाई सर्तकता अपनाउन समन्वय गरिने निर्णय गरेको जनाइएको छ ।
