- बुधबार, कार्तिक १९, २०८३ / Wednesday, Nov, 04 ,2026
सत्तारुढ नेपाल कम्युनिस्ट पार्टी (नेकपा)का १५२ केन्द्रीय सदस्यले केन्द्रीय कमिटी बैठक गर्दै पार्टी कार्यालयमा लिखित पत्र दर्ता गरेका छन् ।
असार १० गतेदेखि जारी स्थायी कमिटी बैठक पनि बस्न नसक्ने स्थिति भएपछि केन्द्रीय सदस्यहरुले केन्द्रीय कमिटी बैठक माग गरेका हुन् । पार्टीको विवाद झन् पेचिलो बन्दै गएपछि हस्ताक्षर संकलन गरेर बैठक बोलाउन माग गर्ने चरणमा पुगेको हस्ताक्षरकर्ताहरूले बताएका छन् ।
पार्टीभित्रको विवादले आफूअरुलाई चिन्तित बनाएको भन्दै अध्यक्षद्धयलाई सम्बोधन गर्दै बैठक बोलाउनुपर्ने केन्द्रीय सदस्यहरुको माग छ ।
यो धाराअनुसार एक चौथाई सदस्यले बैठक माग गरेपछि १५ दिनभित्र बैठक बोलाउनुपर्छ । पार्टी कार्यालयमा दर्ता गरिएको पत्रमा १५० जनाको हस्ताक्षर छ भने धर्मनाथप्रसाद साह र लालबहादुर विकको पनि सहमति रहेको नेताहरुले बताएका छन् ।
