- मङ्लबार, कार्तिक १८, २०८३ / Tuesday, Nov, 03 ,2026
प्रदेश १ को मुख्य नेपाल–भारत नाका विराटनगर भन्सारमा कार्यरत चार कर्मचारीलाई कोरोना संक्रमण पुष्टि भएको छ ।
शुक्रबार भन्सारमा कार्यरत बीस कर्मचारीको पिसिआर परीक्षण गरिएकामध्ये चारजनालाई कोरोना संक्रमण पुष्ठि भएको हो ।
उनीहरूको अवस्था सामान्य रहेको र सबैजना आइसोलेसनमा बसेको भन्सार कार्यालयले जनाएको छ । ‘हाइरिस्क’मा बसेर काम गरिरहेका कर्मचारीमा कोरोना संक्रमण पाइएपछि विराटनगर भन्सारमा थप उच्च सतर्कता अपनाएको छ ।
विराटनगर भन्सार एजेन्ट संघका अध्यक्ष विजेन्द्र परासरले कोरोना संक्रमण पृष्टि भएपछि भन्सार जाँच पासमा कार्यालयसँगै आफूहरूले पनि सतर्कता अपनाएको बताए । उनका अनुसार आइतबारदेखि भन्सारमा भिडभाड नियन्त्रण गरिएको छ ।
एजेन्ट र उनीहरूका प्रतिनिधिहरूले पनि सकभर घरबाटै अनलाइनबाट काम गर्ने र अति आवश्यक परे मात्र भन्सारमा कागजात बुझाउन जाने गरेका छन ।
