- मङ्लबार, कार्तिक २५, २०८३ / Tuesday, Nov, 10 ,2026
विद्युत प्राधिकरणको कार्यकारी निर्देशकको रुपमा कार्यकाल बिताएर बिदा भएका कुलमान घिसिङलाई पुनः नियुक्त गरिनुपर्ने माग गर्दै आज (बिहीबार) पनि प्रदर्शन भएको छ ।
मंगलबार प्राधिकरणबाट बिदा भएका घिसिङलाई पुन कार्यकारी निर्देशक बनाइनुपर्ने माग राख्दै काठमाडौंको माइतीघरमा प्रदर्शन भएको हो ।
घिसिङको समर्थनमा उत्रिएकाहरुमाथि प्रहरीले लाठी प्रहार गरेको छ । कुलमानको पक्षमा प्रदर्शन गर्न माइतीघरमा भेला भएका समर्थकलाई प्रहरीले लाठी प्रहार गरेको हो ।
लाठी प्रहार गरेपछि माइतीघरमा भेला भएका कुलमानका समर्थकहरु तितरवितर भएका छन् ।
बुधबार पनि कुलमानको पक्षमा माइतीघर लगायत राजधानीका विभिन्न ठाउँमा प्रदर्शन भएका थिए । बुधबारको प्रदर्शनमा सहभागी भएका समर्थकलाई तितरवितर पार्न प्रहरीले पानीको फोहरा प्रहार गरेको थियो ।
