- मङ्लबार, कार्तिक २५, २०८३ / Tuesday, Nov, 10 ,2026
पूर्वसभामुख तथा नेकपाका सांसद कृष्णबहादुर महरा पत्नी सीता महराको दाहसंस्कार भएको छ ।
उपचारकै क्रममा बुधबार बिहान नर्भिक अस्पतालमा निधन भएकी सीताको पशुपति आर्यघाटमा विद्युतीय शवदाह गृहमा उनको दाहसंस्कार गरिएको हो । अन्त्येष्टि गर्नु अघि आर्यघाट परिसरमा पूर्वसभामुख महराले दिवंगत पत्नीको पार्थीव शरीरमा माल्यार्पण गरेर अन्तिम श्रद्धाञ्जलि दिएका थिए ।
निमोनियापछि अस्पताल भर्ना भएकी सीताको बुधबार बिहान निधन भएको थियो । निमोनिया भएपछि अस्पताल भर्ना भएकी उनको पीसीआर परीक्षण पोजेटिभ आएको थियो ।
सीताको निधनप्रति प्रधानमन्त्री केपी शर्मा ओली, अध्यक्ष पुष्पकमल दाहाल, विभिन्न राजनीतिक दलका नेता कार्यकर्तालगायतले दुःख व्यक्त गर्दै श्रद्धाञ्जलि अर्पण गरिरहेका छन् ।
महरा र सीताका बीच २०३५ सालमा विवाह भएको थियो। उनका दुई छोरा र दुई छोरी छन् ।
