- आइतवार, कार्तिक १६, २०८३ / Sunday, Nov, 01 ,2026
विद्यालय शिक्षाको राष्ट्रिय पाठ्यक्रम प्रारूप २०७६ कार्यान्वयन नगर्न माग गर्दै सर्वोच्च अदालतमा हालिएको रिट खारेज भएसँगै कक्षा ११ मा नयाँ पाठ्यक्रम लागू गर्न बाटो खुलेको छ ।
मंगलबार सर्वोच्च अदालतले पुरानै पाठ्यक्रमलाई निरन्तरता दिनुपर्ने माग गर्दै परेको रिट निवेदनमा अन्तरिम आदेश दिन अस्वीकार गरेपछि नयाँ पाठ्यक्रम लागू गर्न बाटो खुलेको हो ।
रिटमा फैसला नहुँदा महिनौँदेखि पाठ्यक्रमसम्बन्धी अन्योल थियो । देशभर कतै पुरानो पाठ्यक्रम र कतै नयाँ पाठ्यक्रमअनुसार पठनपाठन गरिएको थियो ।
अब भने राष्ट्रिय पाठ्यक्रम प्रारूप २०७६ अनुसार नयाँ पाठ्यक्रम लागु हुने भएपछि पाठ्यक्रमसम्बन्धी अन्योल हट्ने भएको छ ।
शैक्षिक सत्रको सुरुमा कोरोना महामारीका कारण कक्षा सञ्चालन गर्न नपाएको अवस्थामा पाठ्क्रमको विवाद बल्झिदा विद्यालय सञ्चालक, शिक्षक र विद्यार्थी समेत अन्योलमा पर्दै आएका थिए ।
