- बिहिबार, भदौ ४, २०८३ / Thursday, Aug, 20 ,2026
आन्तरिक राजश्व कार्यालय बालाजुका कम्प्युटर अपरेटर होटल (रेस्टुरेन्ट) सञ्चालकसँग लिएको ४३ हजार रुपैयाँ घुस रकमसहित पक्राउ परेका छन् ।
काठमाडौंको बनस्थली (ढुङ्गेधारा)स्थित टिमुर किचन रेस्टुरेन्टका सञ्चालक सन्तोष थापा मगरसँग लिएको ४३ हजार रुपैयाँ घुससहित आन्तरिक राजश्व कार्यालय बालाजुका कम्प्युटर अपरेटर राजन शर्मा पक्राउ परेका हुन् ।
अख्तियार दुरुपयोग अनुसन्धान आयोगको टंगालस्थित कार्यालयबाट खटिएको टोलीले कम्प्युटर अपरेटर शर्मालाई घुस लिँदै गर्दा पक्राउ गरेको जनाएको छ ।
कम्प्युटर अपरेटर शर्मासहित उनलाई घुस दिन रेस्टुरेन्ट सञ्चालक सन्तोष थापा मगरलाई पनि पक्राउ गरिएको अख्तियारका सहायक प्रवक्ता गणेशबहादुर अधिकारीले जानकारी दिए ।
