- बुधबार, कार्तिक २६, २०८३ / Wednesday, Nov, 11 ,2026
नेपाल पत्रकार महासंघको २६ औं महाधिवेशन आज काठमाडौंमा हुँदैछ ।
राष्ट्रिय सभागृहमा हुने महाधिवेशनको उपराष्ट्रपति नन्दबहादुर पुनले उद्घाटन गर्ने कार्यक्रम रहेको आयोजकले बताएको छ ।
महाधिवेशनका लागि पत्रकार महासंघका जिल्ला शाखाका अध्यक्ष, प्रदेश पदाधिकारी लगायत तीन सय जनाको उपस्थिती रहनेछ ।
महासंघका सचिव राम प्रसाद दाहालका अनुसार बुधबार नै महासचिव र कोषाध्यक्षको प्रतिवेदन पेस भएर छलफल पश्चात पारित हुनेछ । महासंघले नयाँ नेतृत्वका लागि एक महिनाभित्र चुनाव गर्ने योजना बनाएको छ ।
यसका लागि कपिल काफ्लेको नेतृत्वमा निर्वाचन समिति पनि बनाइएको छ । समितिले एक दुई दिनमा निर्वाचन मिति घोषणा गर्ने सचिव दाहालले बताए ।
महाधिवेशनको अवसरमा महासंघले पत्रकारिता क्षेत्रमा योगदान पु¥याएका पत्रकारहरुलाई पुरस्कृत एवं सम्मान पनि गर्ने कार्यक्रम रहेको छ ।
