- बिहिबार, भदौ ४, २०८३ / Thursday, Aug, 20 ,2026
थापाथलीस्थित नर्भिक हस्पिटलमा उपचाररत नेपाली कांग्रेसका नेता तथा पूर्वमन्त्री नवीन्द्रराज जोशी स्वास्थ्यमा क्रमिक सुधार देखिन थालेको छ।
आफैंले सास फेर्न थालेपछि उनलाई भेन्टिलेटरबाट निकालिएको अस्पतालले जनाएको छ । मष्तिष्कघात भएपछि एक साताअघि उनलाई वीर अस्पताल हुँदै नर्भिकमा पुर्याई भर्ना गरिएको थियो।
नेता जोशीको उपचारमा न्यूरो सर्जन डा. राजीव झा संलग्न छन् । उनका अनुसार सोमबारदेखि मेसिनले सास फेराउने कामलाई घटाउँदै लगिएको र अवस्थामा सुधार हुँदै गएपछि बिहीबारदेखि पूर्ण रूपमा भेन्टिलेटर हटाइएको हो।
बिहीबार साँझदेखि उनले बायाँ हातखुट्टा पनि सामान्य चलाउन थालेका अस्पतालले जनाएको छ।
