- शनिबार, कार्तिक २२, २०८३ / Saturday, Nov, 07 ,2026
एमालेमा प्रवेश गरेका माओवादी केन्द्रद्वारा कारबाही गरिएपछि सांसदसँगै मन्त्री पद गुमाएका चार नेताले मन्त्रीमा पुनर्नियुक्ति पाएका छन् ।
उनीहरूले आज (शुक्रबार) साँझ ५ बजे मन्त्री पदको शपथ लिने भएका छन् ।
नेकपा नाम विवादको मुद्दा टुंग्याउने क्रममा सर्वोच्च अदालतले फागुन २३ गते एमाले र माओवादी केन्द्रलाई ब्युँताइदिए पछि प्रधानमन्त्री समेत रहेका एमाले अध्यक्ष केपी ओलीको साथ नछाडेका टोपबहादुर रायमाझी, लेखराज भट्ट, प्रभु साह र गौरीशंकर चौधरीले मन्त्रीको शपथ लिन लागेका हुन् ।
उनीहरूको सांसद र मन्त्री पद बिहीबार गुमेको थियो । त्यसको भोलिपल्टै प्रधानमन्त्री ओलीले उनीहरूलाई मन्त्री पदमा पुनर्नियुक्ति दिएका हुन् ।
