- बिहिबार, भदौ ४, २०८३ / Thursday, Aug, 20 ,2026
रु रु जलविद्युत परियोजनाको आज आईपीओ बाँडफाँड गरिएको छ ।
एनएमबी क्यापिटल बिक्री प्रबन्धक रहेको आईपीओमा ३७ हजार ९१६ जना आवेदकले १० कित्ताका दरले शेयर पाएका छन् । गोलाप्रथाबाट शेयर बाँडफाँड गरिएको थियो ।
बाँकी रहेको सात कित्ता शेयर भने १० भन्दा बढी आवेदन दिएकामध्येबाट ७ जनालाई एक-एक कित्ताका दरले थप गरिएको छ ।
गोलाप्रथामा १५ लाख ९० हजार ८९६ आवेदनलाई सहभागी गराइएको थियो। आठ हजार ५३५ आवेदन रद्द भएको थियो ।
परियोजनाले चैत २० देखि २४ गतेसम्म प्रतिकित्ता १२० रूपैयाँका दरले कुल चार लाख सात हजार ७०६ कित्ता आईपीओ निष्काशन गरेको थियो ।
सोमध्ये आठ हजार १५४ कित्ता कर्मचारी र २० हजार ३८५ कित्ता म्युचुअल फन्डहरूलाई छुट्याइएको थियो । बाँकी तीन लाख ७९ हजार १६७ कित्ता सर्वसाधारणलाई बिक्री गरिएको छ ।
आईपीओको नतिजा एनएमबी क्यापिटलको वेबसाइट र मेरो शेयरबाट हेर्न सकिने छ ।
