- शनिबार, कार्तिक २२, २०८३ / Saturday, Nov, 07 ,2026
कर्णाली प्रदेशका मुख्यमन्त्री महेन्द्रबहादुर शाहीले विश्वासको मत प्राप्त गरेका छन्।
शुक्रबार बसेको प्रदेश सभाको सातौं अधिवेशनको पहिलो बैठकमा विश्वासको मतको लागि राखिएको प्रस्तावमा उनले विश्वासको मत प्राप्त गरेका हुन् ।
विश्वासको मतका लागि २१ सांसद्को मत आवश्यक रहेकोमा मुख्यमन्त्री शाहीले २२ मत पाएका हुन् । कर्णाली प्रदेशमा ४० सांसद् रहेकामा ३७ जना उपस्थित थिए । मुख्यमन्त्री शाहीको विपक्षमा १५ सांसद्ले मत दिएका थिए ।
माओवादी केन्द्रबाट मुख्यमन्त्री बनेका शाहीको दलसँग प्रदेशमा १३ सिट थियो, त्यसमध्ये पनि सांसद् धर्मराज रेग्मीले पद त्याग गरेर एमालेमा प्रवेश गरेपछि १२ सिटमा खुम्चिएको छ ।
आफ्नो पार्टीको १२, नेपाली कांग्रेसको ६ र एमालेको नेपाल पक्षीय ४ सांसद्को मतका कारण मुख्यमन्त्री शाहीको पद जोगिएको छ ।
