- बिहिबार, भदौ ४, २०८३ / Thursday, Aug, 20 ,2026
झापाको भद्रपुर नगरपालिका–२ मा रहेको किच्चकबध प्रहरी चौकीका प्रमुख प्रहरी सहायक निरीक्षक ४७ वर्षीय महादेव ठाकुरको चट्याङ लागेर मृत्यु भएको छ।
जिल्ला प्रहरी कार्यालय झापाका सूचना अधिकारी राकेश थापाका अनुसार सोमबार राति १०:५५ बजेतिर गस्तीमा रहेको अवस्थामा उनी चट्याङ लागेर घाइते भएका थिए। तत्कालै भद्रपुरको ओमसाइ पाथिभरा अस्पताल पुर्याउँदा चिकित्सकले मृत्यु भइसकेको जानकारी गराएका थिए।
भारतसँगको सीमा नजिक रहेको उक्त अस्थायी प्रहरी चौकीको टोली साइकल गस्तीमा निस्किएको थियो। हावाहुरी र भारी वर्षासँगै परेको चट्याङ ठाकुरलाई लागेको थियो। गस्तीमा खटिएका अरू प्रहरी भने सुरक्षित नै छन्। रासस
