- शनिबार, कार्तिक २२, २०८३ / Saturday, Nov, 07 ,2026
मुख्यमन्त्री पृथ्वी सुब्बा गुरुङविरुद्ध पेश भएको अविश्वासको प्रस्तावमाथि छलफल गर्न गण्डकी प्रदेश सभाको बैठक वैशाख २७ गते बस्ने भएको छ ।
जनमोर्चाले आफ्ना सांसद सम्पर्कविहीन रहेको भन्दै बैठक रोक्न निवेदन दिएपछि वैशाख १४ गते बसेको बैठक अनिश्चितकालका लागि स्थगित भएको थियो ।
जनमोर्चाको आग्रहमा सभामुखले बैठक स्थगित गरेपछि मुख्यमन्त्रीविरुद्ध अविश्वासको प्रस्तावमाथि मतदान गर्ने कार्यक्रम प्रभावित भएको थियो ।
बैठक स्थगित भएलगत्तै जनमोर्चाका सांसद खिमविक्रम शाही अस्पतालमा फेला परेका थिए ।
बिहीवार बसेको कार्यव्यवस्था परामर्श समितिको बैठकले वैशाख २७ गते ११ बजेका लागि बैठक राख्ने सहमति गरेको हो ।
अविश्वास प्रस्तावमा छलफल गर्न कांग्रेस, माओवादी र जसपाले समावेदन गरेपछि वैशाख १३ गते अधिवेशन शुरु भएको थियो ।
