- आइतवार, कार्तिक २३, २०८३ / Sunday, Nov, 08 ,2026
भुसको आगो झै सल्किएको विवादले अन्ततः नेपाल कम्युनिष्ट पार्टी (एमाले) का खनाल–नेपाल समुहका २२ सांसदले सामूहिक राजीनामाको तयारी गरेका छन् ।
शनिवार राति त्रिपुरेश्वरस्थित एक घरमा बसेको खनाल–नेपाल समुहको बैठकले ओलीले पार्टीमा विधि पद्धति मिचेकाले यही रबैया कायम राखे जसरी पनि ओलीलाई सरकारबाट हटाउने निष्कर्ष निकाल्दै यस्तो निर्णयमा पुगेको हो ।
खनाल–नेपाल समुह ओली नसच्चिए उनले संसद्मा भोली २७ गते लिने विश्वासको मत जसरी पनि असफल गराउन लागिपरेको छ । पार्टी मिलाउन आफुहरु सधै प्रयत्नरत रहेकोले ओली आज दिन भरसम्म लचक नभए अर्को बैठक बसी बेलुकासम्म सामुहिक राजीनामा दिने खनाल–नेपाल समुहका एक नेताले जनाए । ओलीसंग मिल्ने विकल्प नदेखिएकाले २७ गते विश्वासको मत दिने बेलामा फ्लोर क्रस गर्नु भन्दा त्यस अगावै सामूहिक राजीनामा उत्तम लागेकाले यो निर्णयमा पुगेको एक नेताले बताए ।
सामूहिक राजीनामाका लागि हस्ताक्षर समेत भैसकेको छ ।
