- बिहिबार, भदौ ४, २०८३ / Thursday, Aug, 20 ,2026
बन्दीपुर गाउँपालिका-३ तामुङमा घर माथिबाट खसेको पहिरोमा परी दुई जनाको मृत्यु भएको छ ।
पहिरोमा परी एक गम्भीरसहित तीन जना घाइते भएको प्रहरीले जनाएको छ ।
पहिरोबाट तामुङका करिब ३० वर्षीया सरस्वती थापा र ७० वर्षीया हरिमाया बसेलको निधन भएको हो । उनीहरूको घटनास्थलमै मृत्यु भएको वडासदस्य हर्कबहादुर थापाले जानकारी दिए ।
सरस्वतीका ससुरा दिलबहादुर मगर, सासू दाउरीमाया मगर र देवर सुवास थापा घाइते भएका छन् । पहिरोमा पुरिएर घाइते भएकामध्ये एक जनाको अवस्था चिन्ताजनक रहेको छ ।
पहिरोका कारण चार घर जोखिममा रहेको उनले जानकारी दिए ।
